Page 22 - VOS JAN 31
P. 22
Brazil Taekwondo Stichting ta rifa
un television pa recauda fondo
31 January, 2017
0
Diahuebs anochi a tuma lugar un reunion di Brazil Taekwondo Stichting na
Centro di Bario Brazil. E miembronan presente a reuni pa kibra cabes hunto pa
bin cu ideanan nobo pa recauda fondo.
E miembronan a trece nan opinion y ideanan pa dilanti pa asina mira kico lo ta
mas rendabel etc, pasobra e BBQ en berdad ta dushi pero e ta rekeri masha
hopi tempo y placa. Aaron Jacobs a calcula kico tur lo rindi mas y a bin cu e
idea pa rifa un television di 32” pa dia 5 di Maart pa asina por recauda fondo pa
e biahenan di 2017 y uniform nobo pa Brazil Taekwondo Stichting.
Awo si e benta di e Calender 2017 ta tras di lomba y por cuminsa cu otro forma
pa recauda fondo. Master Eric Barry a wordo acerca pa Brazil Taekwondo
Stichting pa asina e dos scolnan por enfrenta otro na luna di Februari. E
encuentro entre e dos scolnan ta yama ”Who’s the Best”.
Un paar di aña pasa Alberto Klabér a acerca Master Eric Barry caba y e dos
scolnan a bringa contra di otro na unda cu San Nicolas a gana e tempo ey. Awo
aki ambos scol di Taekwondo ta conta cu masha hopi mucha rookie cu lo bay
bringa contra di otro pa mira kende lo gana e Copa di “Who’s the Best”.
A presenta e punto pa un directiva nobo, pero esaki ta na hold ainda pa haya
confirmacion di dos miembro pa asina por sigui cu e proceso.
