Page 43 - MIN SOC
P. 43
CITGO treciendo hopi desaroyo na San Nicolas
Monday, 13 February 2017 22:32
Comparti
E entrada di CITGO pa rehabilita e refineria na San Nicolas ta treciendo basta movecion. A tuma nota cu
diferente comerciante a cuminsa inverti placa den e area.
Ta trata di comerciantenan cu di un of otro forma ta bay tin cierto relacion di trabou cu CITGO. Tin
informacion cu e Ice Plant na San Nicolas a wordo cumpra pa un comerciante. Tambe tin informacion cu
otro contratista of compania specializa conoci den e refineria tambe a cumpra e tereno propiedad di Leon
Battery den Bernhardstraat. A cuminsa haci limpieza caba. E intencion di e compania conoci y specializa
ta diferente. Ademas di tin trabounan pa haci den e refineria, ta intencion di bira un sitio pa training pa e
hobennan cu kier siña e trabou y asina haya conocimento pa traha den e refineria. E grupo aki ta
specializa den trabounan riba tankinan di refineria. Sigur un desaroyo sumamente positivo pasobra ta
hopi lugar cu pa añanan largo a keda bandona, awe ta hayando bida bek. Ademas nan balor ta subi tambe
mirando e demanda cu lo tin pa espacio pa acomoda werkplaats y lugar pa staciona ekiponan di trabou
cu mester duna servicio den e refineria.
