Page 44 - MIN SOC

E comunicacion via carta awendia a bay perdi y tin efecto
riba post mundialmente

Monday, 13 February 2017 21:00
Comparti

Magali Brito di Seppa a sigui splica cu servicio di post, si wak’e riba su mes, e servicio di
entregamento di carta

, e servicio a bay hopi atras. E servicio di antes cu comunicacion cu nos hendenan den exterior
tambe a bay practicamente perdi. No ta sosode mas via carta. Tin metodonan hopi mas facil.
Tecnologia a haci un efecto hopi grandi riba servicio di post mundialmente y na Aruba tambe.
Na 2005 a adverti Gobierno riba esaki caba, for di momento cu kier a haci cambio, cu pa hiba
post mester haci inversionnan grandi. Pa hiba competencia cu esnan eyfo, cu igualmente ta
haci tipo di servicio asina aki. Claramente Gobierno mester haci otro tipo di inversion, pa asina
pone material disponibel, pone otro tipo di servicionan tambe na postkantoor, di tal manera cu
e por genera hopi mas entrada y pa un dia e por para riba su mesun pia. Sin e inversionnan
grandi aki, nada no ta bay sosode. Post ta keda riba e mesun caminda. Tin di compronde for di
gerencia cu nan tin diferente plan. Nan tin un of mas servicio cu nan a introduci, cu ta dal
pasonan hopi grandi y cu ta yuda hopi mes. Pero un of otro servicio extra lo por yuda post di ta
manera cu un dia e por para riba su pia, y ta evita tipo di problemanan aki inecesariamente.

Rol di e miembronan

Brito a splica cu nan tabata tin combersacion cu gerencia unda cu nan a wordo informa di e
cambionan cu nan ta bay bin cun’e of nan tin pensa di introduci. E post nobo aki, e direccion cu
nan kier bay cun’e, Seppa lo tey eynan, caminda cu nan ta yuda pensa un poco y tambe pa
vigila e interes di bo miembronan, di tur e trahadonan eynan, pero semper ta keda bisa e
mesun gerencia pa tene cuenta cu pa haci tur esakinan, riba papel e ta zona bunita, pa papie ta
zona bunita, pero pa pone den practica, tin cu percura pa tur cos ta na ordo pa di manera cu
tur hende por bay hunto den e cambio akinan, el a comenta.