Page 49 - MIN SOC
P. 49
Minister drs. Paul Croes ta atende reunion y forum di
International Labor Organization
Monday, 13 February 2017 20:02
Comparti
Dia 22 pa 24 di februari proximo, e International Labour Organization ta realisando dos evento
importante dedica na region di Caribe. Minister drs. Paul Croes mescos cu homologonan di Labor di otro
islanan, ta participando pa papia riba topiconan importante di e sector y keda na altura di e
tendencianan nobo.
E encuentro, cu ta tuma luga na Jamaica, tambe ta reuni representantenan di e Congreso Cariben di
Labor y e Confederacion Caribense di Dunadornan di Trabou, sociedad civil y tambe Nacionnan Uni,
entre otro. Diaranson 22 ta pone riba e programa un forum cu ta bay samina e factornan tras dic ambio y
con nan ta afecta e mundo laboral den Caribe, identificando e accionnan proactivo necesario pa forma e
futuro cu Caribe tin mester di dje. E forum ta enfoca riba tres tema pa medio di discusionnan; nan ta:
trabounan decente pa tur, maneho publico di labor y organisacion di trabou y
produccion. Consecuentemente, ta bay celebra e di 10 Reunion di ILO cu Ministernan Caribense di
Labor. E topico na mesa ta: ‘Realisando Trabou Decente bou di e Agenda 2030.’ E aña aki e reunionta
presenta e oportunidad di tin un intercambio riba e retonan continuo pa promove un proceso di
crecemento mas inclusivo y sostenibel, cu mas y miho trabou, como tambe permiti e Ministernan pa
articulo y comparti nan perspectivanan rond di e futuro di trabou. Minister drs. Paul Croes ta masha
entusiasma cu e oportunidad cu ambos actividad ta presenta di conoce strategia y practicanan cu por
wordo aplica na Aruba pa mehora e tereno laboral y condicionnan di trabou pa e trahadornan di Aruba,
den diferente aspecto y na diferente nivel.