Page 37 - MIN JUS 17 FEB, 2017

Barco Venezolano a perde su capitan despues di purba
drenta cu tripulante ilegal

Thursday, 16 February 2017 20:54
Comparti

Kustwacht y Maritiem Politie den oranan di marduga a score un biaha mas. Nan tabata patruya cuidando
nos costanan pazuid y a haya un señal riba radar di un embarcacion biniendo Aruba.

A logra yega na e boto y durante e control a conta un total di 13 tripulante. Esaki sigur ta un cantidad
basta hopi compara cu un barco normal cu ta trece fruta. Den pasado un barco cu fruta tabata trece un
total di 6 tripulante pa asina yuda baha e carga. Awendia e mesun barconan aki ta drenta cu 14 pasahero.
Nan a bira manera un Ferry entre Aruba cu Venezuela. E tripulantenan aki ta baha cana tur caminda na
Aruba y djey subi barco bay bek. Tin cu ningun hende sa kiko nan a bay haci. Tin tambe cu ta bin tur
sushi na cement etc. Kiermen nan a bin traha clandestinamente. Den e caso specifico aki autoridad a
intercepta e boto cu fruta y na momento di control riba lama a constata cu di e 13 tripulantenan, uno no
tabata tin documento. Esey tabata suficiente motibo pa e keda deteni. E personal di Kustwacht y Polis
Maritimo a compaña e boto te na waf di Barcadera. Eynan a detene e capitan tambe pa mensen smokkel.
Probablemente e persona aki lo a bula na awa banda di entrada di waf na Barcadera y yega tera. E no a
logra su meta pasobra e boto a wordo intercepta riba lama. E tripulante a wordo entrega na Warda Nos
Costa pa asina wordo deporta. E capitan ta keda deteni pa wordo interoga. Mirando e incumplimemto, a
pone cu e boto no por a keda Aruba. A debolbe e barco cu tur e otro hendenan abordo y nan mercancia cu
ta gran parti fruta. Ta di aplaudi e forma di traha di autoridad cu awor ta pone pia abou y tur
embarcacion mester cumpli cu e exigencianan y documentonan. Na Aruba tabata hopi tolerante y awor e
situacion aki ta bay cambia y cualkier incumplimento nifica cu bo no ta wordo permiti pa drenta Aruba.