Page 15 - DE MEZA

10 AWEMainta Diasabra, 3 December 2016

Parlamentario mr. Juan Ady Thijsen (MEP):

Mike Eman a destrui e

hogar cu yama Aruba!

TABATA 7 aña pasa cu pueblo a duna Mike Eman
e liderasgo di nos pais. Mike Eman a scoge pa un
desaroyo sostenibel como vision, pero su hechonan
ta demostra lo contrario!
Enbez di crea un Aruba dushi pa biba aden Mike
Eman a destrui e hogar cu yama Aruba! Mike Eman
a crea desempleo. Mike Eman a stanca nos economia.
Mike Eman a trece instabilidad!

Mike Eman a trece intranquilidad! Mike Eman a
trece inseguridad! Y sigur e no a trece felicidad pa
nos digno pueblo!, asina Ady Thijsen, miembro di
fraccion di MEP a duna di conoce.

Nos naturalesa a worde destrui, nos medio ambiente
daña, nos comercio destrui, nos poder di compra
daña.
Mike Eman ta bay den historia pa haci prioridadnan
robez. Mike Eman a scoge pa traha riba cosnan mate-
rial cu ta engaña e wowo di hende cu cosnan bunita.

Mike Eman ta pone hendenan kere den un prosperi-
dad falso. Awor den su ultimo aña ta core cabez di
gai pa purba gaña pueblo un biaha mas. Di repente
tur cos ta posibel.
Despues di 7 aña pa sorpresa awor si Mike Eman tin
solucion p’e problema di dump, Caya Betico Croes
tin solucion, di repente si tin espacio pa aumenta
entrada un tiki, choller na scolnan ta haya atencion
y cuidao djis nan tin solucion p’e ruina di Bushiri,
prome cu eleccion di biaha si por baha prijs di awa
y coriente.

Segun Parlamentario mr. Juan Ady Thijsen atrobe
Mike Eman ta den su racha di gaña pueblo su wowo.
Ta keda na pueblo pa realisa cu di berdad Mike Eman
a destrui e hogar Aruba y cu Mike Eman mes no por
t’esun cu tin cu dreche.
Mester di un team di hendenan capacita, sincero y
responsable pa bin atende cu probleman di nos pais
y re-establece e hogar cu a bay perdi.
Mirando e ultimo desaroyonan politico ta partido
MEP t’e unico alternative, segun Parlamentario mr.
Juan Ady Thijsen. MEP semper ta lucha pa progreso
di nos digno pueblo!