Page 22 - AWEMAINTA

22 AWEMainta Diaranson, 1 Februari 2017

Lotto ta felicita

Organisacion Caballista Arubano

cu nan Feria Betico Croes

DEN e weekend tras di lomba, e celebracion en conexion cu Dia
di Betico a sigui y varios federacion deportivo a pone dos dia di
actividad pa cu esaki.
E federacion di cabay, OCA a tene su competencia di dos dia cu
a carga e nomber di Feria Equino Betico Croes cual a conta cu
participacion di un huez internacional di Republica Dominicana.

Mas cu claro Villa Floralina a host e competencia aki cu a conta cu
un participacion grandi tur dos dia. Diasabra a tene e competencia
pa cabay di tur modalidad, mientras su siguiente dia diadomingo
tabatin e competencia p’e mas hobennan cu t’e jinete y amazona.
E competencia di e jinete y amazona tabata fuerte, cada un par-
ticipante a haya e oportunidad di demostra na publico presente e
forma di monta un cabay durante di un competencia.
Mester bisa cu den e deporte di cabay tin masha hopi talento, no
ta por nada cu Aruba su atletanan ta reconoci mundialmente den e
deporte aki y a produci varios campeon mundial manera e.o. Mela-
nie Wever, Alina Mansur y Mark Bruin sin lubida e otro talentonan
cu tambe ta biniendo den gran forma tanto jinete como amazona.

E ganadornan absoluto e diadomingo tabata den 9-11, Ashley
Weijers como e mihor amazona y Matijs Peet como jinete, como
amazona junior 12-14 a triunfa Elizabeth Johnson, amazonas
hubenil 15-17, Zoey Arends y Willem Werleman como jinete a
triunfa cu e prome puesto.
Den amazonas 18-20, Savannah Hasham a bay cu e titulo y
Dwayne Chirino a gana como jinete. Un pabien na tur cu a par-
ticipa n’e Feria Equino Betico Croes 2017.
Un danki sigur na Lotto, e Loteria di Aruba pa medio di Comision
di Subsidio cu a subsidia e eventonan deportivo enconexion cu e
celebracion riba Dia di Betico.