Page 49 - AHATA

ORANJESTAD (AAN): Ronella Croes, CEO di ATA ta indica cu como Aruba, ATA ta den
e negoshi di bende servicio. Y servicio, e factor humano ta cardinal. No tin un producto
fisico cu ta paketa y ta wordo bendi.

Loke ta wordo bendi ta un experiencia completo, caminda cu diferente hende ta hunga
un papel. Y en berdad, ta p’esey tin e Aruba Certification Program, e.o. Y ta p’esey
tambe tin hopi dialogo y hopi progreso a wordo haci den 2018 cu diferente otro
instancia cu tambe tin un papel cardinal.

Scolnan, ministerio di Educacion, Enseñansa pa Empleo, AHATA, ATSA. Tur ta diferente
actor cu tambe tin un papel hopi importante pa zorg pa cada un hunga un rol
importante den upgrade di servicio.

Segun Croes, ta papia di upgrade di un banda, pero ta papia tambe di e.o., di esun cu
ta drenta den e sector laboral turistico.

Ta drenta tambe den cierto nivel cu en berdad nan por yuda carga y ofrece locual Aruba
ta asina conoci pe, e amabilidad y cordialidad. No a perde esaki, pero esaki ta un
indicador cu tambe, fuera di e balor di placa cu e bishitantenan ta opina cu nan ta haya,
ta mira si cu e calidad di amabilidad y servicio no ta mas manera antes. Esey mester di

atencion, principalmente si ta sigui di ta un producto unda cu e bishitante ta wordo pidi
pa paga mas, comparativamente cu’n vacacion otro caminda.

Den 2018 un paso hopi importante a wordo tuma. A pone e maneho di Aruba

Certification Program bou di un organo independiente, cual ta Aruba Excellence
Foundation. E ta importante pa diferente motibo.

E organo aworaki ta conta cu’n hunta unda cu tin participacion di ministerio di Turismo,

di ATA, AHATA y Universidad di Aruba, na e momentonan aki. Dus e combinacion di e
partidonan aki, ta tuma e decisionnan di kico ta miho pa loke ta miho pa loke ta
contenido di programa cu lo sigui cambia y lo sigui desaroya su mes y bin ta ofrece mas
producto na esunnan concerni. Pero tambe e instancianan aki, cu ta esunnan cu ta yuda

stimula y ta asina cardinal pa asina mas hende certifica nan mes.

Esey ta e loke cu Sra. Croes a logra den 2018. ATA aworaki ta papiando cu e hunta di
Aruba Excellence Foundation, pa discuti e plannan pa 2019, conforme e presupuesto