Page 52 - AHATA

forma directo CITGO, cu na e momentonan aki ta den man ainda di PDVSA
dirigi pa Nicolas Maduro, cu mundo liber, no ta acepta como presidente di e
pais. Informacionnan cu DIARIO a compila riba e situacion legal y politico
internacional di CITGO na e momentonan aki ta confirma publicacionnan

anterior cu relacionnan Aruba y CITGO a drenta un fase nobo, pasobra ni Reino
ni companianan Mericano cu CITGO debe ta reconoce Maduro como presidente
Venezolano. Maduro ta mara na Rusia, cu ta exigi Maduro cumpli cu su parti.
Informacionnan clave ta mustra cu Reino Hulandes mester haya solucion pa

CITGO.

E situacion cu DIARIO pa cual DIARIO a bin ta adverti, a desaroya awor na Venezuela.
Aruba so no por atende mas cu CITGO debi na e hecho cu e ta parti di e politica
diplomatico internacional cu a haya un dimension nobo na Venezuela.

Durante fin di siman mas contenido a ser duna na e posicion cu paisnan socialista y
special Rusia a tuma y paisnan liber cu no ta mara na e regimen socialista/comunista.

Aruba como parti di Reino Hulandes ta forma parti di e grupo di paisnan liber mescos cu

e companianan Mericano cu a uni y informa Venezuela cu nan no ta atende cu Nicolas
Maduro pero cu Parlamento como e organo eligi pa pueblo di e pais.

Na momento cu Nicolas Maduro a presta huramento, Reino Hulandes a indica cu e lo

mester busca solucionnan pa problemanan cu a presenta den e relacion cu Venezuela.

Un di e problemanan mas grandi ta CITGO. PDVSA ta un compania di estado di
Venezuela cu a ser dirigi directamente pa Nicolas Maduro, a crea debenan grandi cerca

Rusia y companianan Mericano.

E confrontacion di dos campo opositor den politica mundial, tabata for di prome
momento cu CITGO a ser presenta na Aruba, visibel. Nicolas Maduro a salvaguardia e

interes di Rusia cu a haya casi mita di CITGO como borg. Di otro banda, companianan
Mericano cu Venezuela, PDVSA y CITGO mes debe placa, tin relacion directo cu CITGO.