Page 55 - AHATA
P. 55
Na momento cu Nicolas Maduro a asumi poder siman pasa, DIARIO a duna informacion
riba tur e resultadonan cu esaki lo tin pa CITGO y directamente pa Aruba.
Ora Reino Hulandes a anuncia cu e no ta reconoce Nicolas Maduro como presidente, a
mustra tambe cu tin situacionnan cu mester soluciona.
E problema mas grandi pa soluciona na Aruba ta CITGO, cu ta bou di e grupo di Nicolas
Maduro cu tin PDVSA ainda den su man, aunke pa mundo liber el a haya e titulo di
dictador y no ta ser acepta como presidente di e pais.
Reino Hulandes, un aña despues cu e mester a atende e asunto di portanan di
Venezuela cu Maduro a cera, lo mester tuma iniciativa pa mira kico ta pasa cu CITGO
pasobra PDVSA ta refleha e grupo di Maduro cu Reino no ta reconoce.
Di otro banda, gobernacion ta continuidad pero mester dicidi ken ta gobernacion actual
na Venezuela pa dicidi ken ta continuidad.
Un batata cayente ta den man di Reino Hulandes y ta ser vigila na Hulanda cu a spierta
Aruba pa loke awe ta pasa cu economia y sigur CITGO.
https://www.diario.aw/2019/01/reino-mester-soluciona-citgo-aruba/
