Page 26 - KPA

12 riba caya
Diahuebs 23 Februari 2017

Dama corta homber cu machete

Dama a bolter cu auto na

Esmeralda y keda herida

SIMEON ANTONIO –
Na Gonzalitostraat un
señora cu basta tempo
caba tin un pareha
terorisa pero diamars
anochi el a pasa man pa
un machete y corta un
homber.
Te hasta e pareha di e
homber cu ta e señora e
dama a dal cu un obheto
fuerte na su cabes. Ta un
apartamento cu varios
hende ta biba banda di
otro. E pareha victima
a comenta cu pa algun
tempo caba nan ta terorisa
pa e señora cu ta agredi
nan constantemente pero
e biaha ki cos a bay for di
man.
Polis a detene e señora
agresivo bay cu ne warda, y
e pareha agredi a bay Eerste
Hulp pa busca un carta y
asina entrega keho oficial
na recherche.

WESTPUNT –Diaranson
atardi riba e caminda
di Westpunt altura di
Esmeralda dama den un
Hyundai accent auto di
huur a bolter cu e auto y
bay cay riba tereno di un
cas den construccion.

Polis di trafico y ambulance
a presenta na e sitio e dama
tabata herida pero no tabata
desea asistencia medico. E
auto a keda basta kibra y
tabata riba su dak, compania
di seguro a presenta y cu
takelwagen a pone e auto bek
riba su cuatro wielnan.