Page 26 - KPA

Bandera di Aruba cabez abou intencionalmente na Savaneta
157

Wednesday, 31 May 2017 18:27
Comparti

Na Savaneta 157 a tuma nota di un bandera cabez abou. Banda di e bandera di MEP e habitante a dicidi
di pone e bandera di Aruba pero cabez abou. Pa un bon Arubiano cu a pasa mira sigur e tabata dolor.
Esnan cu a mira esaki pa oranan largo asina a yama Polis.

Polis for di trempan no a manda patruya pa mira esaki. Despues di basta ora te banda di 6or a manda
patruya di San Nicolas bay mira e situacion. Ta sinti cu ta intencionalmente a pone e bandera asina. Den
e cas ta biba un homber y dos muher. Parce cu e dos muhernan ta hendenan cu Polis conoce. E
comentarionan tabata cu un cos asina bo no ta haci. Un bandera di un pais ta un respet. Pesey mes ora
bira cla e por wordo hisa y prome cu solo baha e bandera mester wordo baha. Ademas si ta anochi of ta
scur mester tin un luz dirigi riba e bandera pa dune claridad. Den e caso aki claramente por mira cu ta un
fanatico di MEP cu ta biba na Savaneta 157 ta busca manera di capta atencion y el a logra tambe. Loke e
hendenan ta lamenta ta cu Polisnan a wordo yama varios biaha y finalmente despues di basta ora y basta
yamada a dicidi di presenta. E polisnan a topa cu e homber cu tin 80 aña. El a bias Polis cu for di mainta
el a hisa e bandera. Polis mes a dicidi di yuda e homber baha e bandera.