Page 21 - Djasabra 11 ougustus 2018.pdf
P. 21
21
Djasabra 11 Ougùstùs 2018
Den Dunki manera den un bahada di serunan ku tabata sòru pa awa kore di e
serunan i bin basha ei bou. Awendia no tin eseinan mas, ku tur e konstrukshonnan
ku a tuma lugá. E área ei tabata riku na awa i esei por mira na e haltura di e
palunan. Tur ta 6 meter bai mas haltu. I palu ku ta krese grandi asina ta pasobra
e tereno tin awa den bòm. E tereno ei tabata un plantashon di fruta ku palunan di
mango, watapana, palu di indju, palu di mespel, mansaliña den un palabra masha
hopi palu ainda tin riba e tereno di Den Dunki.
Rais dushi kabei
Den Dunki por mira diferente rais koló hel riba
tera. Ta trata aki di rais di dushi kabei. E palu aki
tabata krese masha hopi i tabata un palu faborito
pasobra por us’é pa diferente kos. Entre oro ta us’é
pa traha mabi, pero tambe ta tinzja paña. E koló di
kaki ta di e palu aki e ta bin. Tambe ta us’é pa traha
muebel. Su koló ta asina bunita ku no tin mester
di hasi masha kuné. I e ta saka un fruta ku tambe
por kome. E no ta un palu asina famoso mas i asta
pa traha mabi ta importá e ingredientenan. Den
Dunki te ainda tin diferente palu di Dushi Kabei.
