Page 26 - Djasabra 11 ougustus 2018.pdf

26 Djasabra 11 Ougùstùs 2018
Tabata kuestion di algun siman ku nan a pidi nan kosnan i a Sali di
e bario bèrdè di Dorset. Nan tabatin 4 aña bibando ku miedu pa un
invashon aleman, pero e ehérsito a kambia nan den refugiadonan i
ta esei tabata loke nan tabata teme.

Kuida nos bario....
Miéntras nan tabata hui bai un di e abitantenan a laga un nota riba
porta di e misa “por fabor trata e misa i e kasnan bon. Algun dia nos
lo bin bek i nos ta yama bosnan danki di a trata nos pueblo bon”.
Segun añanan a pasa, daknan a basha aden i e pisonan ariba a kai,
portanan a bin abou i bentananan meskos. Palunan grandi a krese
den e pueblo i e hendenan nunka mas a bin bek.
Nunka mas nan a bin bek...

Loke a kere ku tabata un temporada so ku nan lo a ai a bira algu
permanente. E tera ta sigui di ta di ministerio di defensa, pero
mayoria fin di siman no tin aktividatnan di tanki ni arma i ta
permití bishitantenan pa yega serka. Ta un lokalidat chikí, pero e
bishitanan ta interesante. Despues di pasa dor di e kasnan mas or
ménos basha den otro, por mira murayanan ku fotonan di kolo ku ta
indiká ku einan tabatin kas i ku hende tabata biba einan. Un keiru
i splikashon den e bario ta laga e habitante sinti presensia di hende
ainda einan.

E skol a keda restorá i e ta eksaktamente manera e tabata den dékada
1940. E misa Santa Maria semper a keda mantené. Pero tur sobra
ta reflehá e tempu pasa i esei ta netamente loke ta hasié atraktivo.

Tabatin un famia Taylor ku tabata biba den e bario ei i e famia aki
tabata esun enkargá pa laba paña pa bishitanan te dia e karta di
gobièrnu a yega ku a saka nan di e bario. Su historia parse unu di
spiritu i p’esei e bario ta kalifiká komo un bario fantasma esta un
bario di spiritu.