Page 29 - MIN ARENDS

Dia 4 di april Qredits ta

habri su portanan na

Aruba

Published on March 22, 2017 in Politica
HULANDS. Den Haag

Na Hulanda Prome Minister y CEO di Qredits sr. Elwin Groenevelt a firma e acuerdo pa
e fundacion non-profit por habri su filial na Arubadi 4 di april proximo. Firmamento di e
acuerdo a tuma luga na Hulanda den presencia di Hans Biesheuvel di Ondernemend
Nederland y Minister Plenipotenciario Juan David Yrausquin. Groenevelt a bisa di ta
masha orguyoso cu nan por start na Aruba. “Nos a cuminsa na Boneiro caba y pronto
nos ta haci un start dinamico na Aruba”.

Prome Minister Eman a bisa cu tempo cu e hunto cu Hans Biesheuvel tabata na Brazil
riba un mision special bou guia di Rey Willem-Alexander, nan a papia riba e balor
agrega di Reino y con por cumpli cu e condicionnan adicional riba tur nivel, amplia nan
y fortifica nan. “Qredits ta pas exactamente den e pensamento ey. Nos tin e
finaciamento tradicional di banconan na Aruba, pero asina mes tin hopi start ups cu ta
haya nan mes confronta cu retonan pa haya bastante sosten financiero den e fase
inicial pa desaroya nan plan y ideanan.” Eman a bisa cu ta pesey mes cu Qredits cu ta
un institucion mas accesibel ta un ayudo grandi pa esnan cu kier cuminsa cu un
negoshi. Semper tin empresarionan nobo cu ideanan nobo cu por haci uzo di e
escogencianan win-win dentro di Reino. “Ta hustamente e empresarionan aki cu
ideanan creativo ta esnan cu ta gara e chensnan aki den Reino cu dos man. Esaki riba
tur tereno, di arte y cultura y di sostenibilidad y innovacion.”

Dirigiendo su mes na Hans Biesheuvel Prome Minister a bisa “Pabien Hans. Algo cu
tabata parce un soño, awe ta ta haya ‘man y pia’. Esaki semper ta importante pa esnan
cu tin soñanan bunita y pa e soñonan aki bira realidad. Mi ta yama Qredits bon bini na
Aruba.” Eman a haci uzo di e ocasion pa gradici Minister di Asuntonan Economico
Richard Arends, kende tabata consehero di Ministerio di Asuntonan General y
Economico y a traha masha duro riba e proyecto aki. “Awor e mes a bira Minister di
Asuntonan Economico y e ta percura pa e proyecto aki cana su caminda. Tambe mi
kier a gradici Philipe LaReine, kende awor ta consehero di Asuntonan General y Hans
Biesheuvel cu sin su contribucion constructivo e proyecto lo no a keda cla asina lihe.
Tambe Minister Plenipotenciario a yuda hopi. Un bunita momento pa Qredits.” Hans
Biesheuvel a remarca cu semper ta bon pa hende tin soñonan bunita cu ta bira
realidad.