Page 34 - MIN ARENDS

Ministerio Publico a informa cu fraude di Setar no

ta conoci serca nan

22 hours ago 0 62 Views
Ministerio Publico a informa SOLO DI PUEBLO diamars mainta, cu referente e caso di SETAR, no tin
ningun keho entrega y e caso no ta conoci serca Ministerio Publico.
Esaki despues cu e escandalo aki a rementa dialuna anochi den e corant na Miami, The Miami Herald. E
alegacion ta cu un empleado a horta e compania via comicionnan y kickbacks mas cu 30 miyon florin, ora
tabata cumpra celularnan segunda mano y bende clientela di Setar como nobo.
E hecho cu no a entrega keho na Ministerio Publico, ta lanta hopi sospecho y pregunta: DICON ??

Setar Gate: Banco Central no kier duna

informacion

21 hours ago 0 64 Views
Relaciona cu Setar Gate: Banco Central no kier duna informacion
Empleada no ta den servicio mas y e banco no kier drenta den su privacidad
SOLO DI PUEBLO a tuma contracto cu Banco Central di Aruba pa asina busca nan reaccion
riba e escandalo di celular cu ta envolve e banco y su empleada. Vocero di e banco Sra. Amelin
Flanegin a bisa di lo no drenta den detayes riba e escandalo di Setar cu ta envolve un empleado
di Banco Central, pa motibo cu e persona aki NO ta den servicio mas di Banco Central y cu nan
lo no drenta den privacidad di tal empleada.
Riba nos pregunta si e retiro di e persona ta debi na e caso aki, Bano Central a bisa di lo no duna
comentario. Vocero Sra. Flanegin a bisa nos cu e empleada aki a wordo retira for di trabao na
Januari 2017, esta dos luna pasa.
Maske Banco Central no kier divulga ningun informacion, pa asina no drenta den privacidad di e
empleada encuestion, cos ta mustra cu ta pe mes motibo aki, Banco Central a termina relacion di
trabao cu e empleada.
E empleada su nomber a yega na superficie, ora cu docmentonan den Panama Papers a wordo
revela. E tabata socio den un compania offshor na British Virgin Island, cual a habri dos cuenta
di banco na Panama y tabata ricibi ‘kickbacks’ riba cada telefon celular cu Setar cumpra, den un
lapso di 10 anja.
Nota di redaccion: Nos ta respeta e reaccion di Banco Central, pero nos no ta di acuerdo cune.
Tipo di cosnan asina ta atacha e nomber di Banco Central y enbes di kier tene silencio of sconde,
mester comunica cu pueblo na forma mas habri. Si tipo di escandalonan asina Banco Central kier
sconde pa pueblo, anto ta kico lo ta di otro cosnan ?