Page 35 - MIN ARENDS

Empleado di Setar y esposa meti den fraudi

miyonario… Setar a cuminza caso den corte na

Miami

1 day ago 0 107 Views
// Publicacion den Miami Herald
Fraude grandi den Setar cu exponi pa Panama Papers
** Empleado di Setar Koolman y esposa envolvi den fraude miyornario cu compania di celular
na Florida
Dialuna a keda publica den e corant di Miami, ‘The Miami Herald’ riba un escandalo cu ta
menciona nos compania di telefon nacional Setar Nv.
E revelacion di “Panama Papers” a expone riba un red di comicion ‘kickbacks’ cu tin su
tentaculonan na e isla di Aruba, pa un deposito na Doral Florida ( Miami) cu tabata bay Panama,
di acuerdo cu un caso cu a wordo inicia den corte di Miami.
E escema di e fraude tabata un baby di Egbert Koolman, un empleado di e compania di telefon
nacional di Aruba, Setar Nv. E trabao di Egbert Koolman tabata pa cumpra telefon di
companianan distribuor di rond mundo y pa Setar rebende esaki na consumidornan Arubano.
Segun un fuente di Setar Nv a divulga na Miami Herald, a laga sa cu Koolman a horta Setar
“tens of millions” di dollars dor di accpeta kickbacks di un compania estableci na South Florida,
cu tabata wordo honra e contractonan na un prijs cu tabata wordo aumenta pa Setar Nv.
Awor Setar a cuminza un caso contra di su ex empleado Koolman y su esposa kende ta un
empleado di Centrale Bank di Aruba como tambe Setar a demanda e supplier na Miami, pa
miyones di florin den danjo, soborno, bid fixing y demas violacionnan legal.
Adicionalmente, algun di e telefonnan cu a wordo cumpra dor di Egbert Koolman tabata danja,
y cierto di nan tabata tin pornografia ‘built in’ pa sorpresa di Setar, segun e caso den corte ta
indica.