Page 36 - MIN ARENDS

Setar solamente a descurbi e supuesto fraude aki ora cu nomber di Egbert Koolman a pop up den
e lista di companianan offshore, cu a wordo publica den e lista di Panama Papers, dor di e
agencia Mossack Fonseca.
Nomber di Koolman y su esposa cu ta traha na Centrale Bank di Aruba tabata aparece como
donjo di un negoshi off shore. Apenas e ora gerencia di Setar a descrubi kico tabata sosodiendo
cu compranan di telefon celular cu tabata wordo bendi riba mercado di Aruba cu tur Arubiano.
Egbert Koolman a habri un compania na British Virgin Island y despues a habri dos cuenta di
banco na Panama.
E caso cu Setar a cuminza na Merca ta acusa Koolman di a horta placa di Setar y dirigi esaki pa
su propio cuenta na Panama, y despues tabata trece e placa horta di Setar bek pa Aruba pa asina
renova su propio cas, traha pool, pone solar pannels. Otro placa a wordo usa pe cumpra un
pickup pa su yiu homber y pa paga gastonan y huur pa su amante na Aruba.
Na Augustus 2016, Setar a duna Sr. Koolman su retiro di e compania.
Tur cos ta mustra cu Koolman a bandona Aruba y a bay biba na un cas na Hialeah Miami.
Miami Herald a bishita su cas diaberna ultimo na Hialeah, pero Koolman no a contesta e
mensahe di Miami Herald.
Pa mas di 10 anja largo, Koolman tabata horta Setar den compra di telefon celular, y no ta
descarta cu tin mas Arubiano cu tambe tabata meti y tabata na altura di e negosacionnan aki y di
comicionnan bao mesa.
Egbert Koolman tabata cumpra telefon celular na prijs 20% mas halto, di cual e tabata ricibi e
placa aki den su cuenta, unda tanto su esposa, su amante y otronan tabata yuda den e operacion
aki.
Mas tristo ta cu e telefonnan aki tabata segunda mano, “refurbished” ! Es decir cu abo como
clientela di Setar tabata cumpra un telefon nobo, pero realmente e tabata segunda mano.

Miami Herald a aserca e compania na Miami, y e compania na Miami a nenga cu tin algo robes
cu a tuma lugar. E esposa di Koolman a divorcia di Koolman anja pasa y entretanto tambe a
wordo poni riba schorsing na Banco Central of a wordo retira.
Nos lo sigui amplia riba e caso, cu mas informacion di Miami Herald.