Page 40 - MIN ARENDS

9
REINO Diaranson 22 Maart 2017

Team special dunando asistencia na trahadonan di InselAir cu a haya retiro

WILLEMSTAD – Un
team special di Gobierno
ta atendiendo cu e tra-
hadonan di InselAir cu
a haya retiro. Den un re-
union ayera riba iniciativa
di e sindicato CADMU, e
trahadonan por haci pre-
guntanan riba nan status.

Un punto cu a bin dilanti ta
pa nan no firma nada ainda.
E conseho ey nan a haya di
e enviado di gobierno cu ta
atende e situacion, Sidney
Provence (SOAW).
E reunion di ayera a sirbi
tambe pa e trahadonan saca
tur loke nan tabatin riba nan
pecho. Nos a constata cu e
decision a dal e trahadonan
masha duro, algo cu ta com-
prendibel considerando cu
e compania a celebra 10 aña
na augustus ultimo cu cierto
alegria. No ta masha cla kico
ta bay pasa awor aki.

Anteriormente Gobierno
di Corsou a indica cu den e
proceso a trata di salba mas
cupo di trabou posibel. Si
gobierno no a yuda, for di
december ta tur trahado lo
a bay cas, asina gobierno a
bisa den un participacion.
“250 Empleado di InselAir
a haya nan retiro. E minister
nan di Desaroyo Economico,
VVRP y Financia hunto cu
e Comision InselAir y man-
agement nobo di InselAir a
haci tur cos pa evita esaki. Si
no ta pa e esfuersonan haci,
InselAir lo a cera su portanan
aña pasa, cu consecuencia cu
600 mama cu tata di famia lo
a bay cas net prome cu Pasco.

Ta di lamento cu den e estado
cu e compania ta awor aki, no
por salba tur cupo di trabou
pero a haci maximo esfuerso
pa salba mas tanto cu ta po-
sibel. Banda di salvaguardia
cupo di trabou tabata suma-
mente importante pa garan-
tisa conexion entre nos isla-
nan pa evita un golpi enorme
riba nos economia.
Negoshi cu filial of cliente
riba isla bisiña lo a keda tera
pa un par di luna tanten ta
buscando otro opcion. Tur
otro opcion lo a tuma tem-
po pa organisa. E bahada di
trafico na nos aeropuerto
lo a afecta por ehempel en-
trada di belasting, trabou pa
taxistanan, estadia den nos
hotelnan, negoshi di zona
franca, pacusnan y asina hopi
sector mas. Keda sin haci
nada no tabata un opcion y
hasta den cierto sentido ire-
sponsabel, asina Gobierno di
Corsou a indica.