Page 13 - KPA_Neat

Di 6 tiro dirigi riba e victima 4 a alcanse un

na cabez, 2 den pecho y un den lomba

1 DIA PASA , 21 DI MEI 2017 04:36
SECCION: INCIDENTE

Diadomingo madruga a drenta informe di cu un hende den baño na un nightclub na e hotzone

banda di Palm Beach lo a scucha como 6 tiro, mesora a dirigi patruyanan na e sitio. Na
caminda pa e sitio a sigui drenta informe di cu alrededor di 6 iro a ser scucha y tin un persona
benta abao na suela sangrando debi na heridanan di tiro, a dirigi ambulans y mas patruya cu
urgencia na e sitio. E prome patruya a yega na e sitio di incidente y a haya detayes di cu e
sospechoso a bandona e sitio y cu tin 2 auto sospechoso cu lo a bandona e sitio cu maximo

urgencia di cual un ta un s.u.v. preto y e otro ta un auto chikito color cla. Riba Sasakiweg
polisnan a nota e auto chikito color cla aki haciendo maniobranan peligroso y sospechoso cual
a pone e polis bay su tras. E chofer a core bira drenta un dead end unda polis a logra ser'e pa
atende cun'e pero despues di un interogacion breve polis a lague sigui su rumbo. E s.u.v. no
ser mira mes pa polis. Na yegada di e ambulans na e sitio a nota cu e victima no tabata duna

señal di bida pa cual a pidi pa un dokter bini na e sitio. E dokter constata morto di e victima
Ralph de Palm naci 14 di augustus 1990 na Port au Prince, Haiti y tabata biba na Totolicastraat.
Investigacion pre-eliminar haci na e sitio ta cu e victima tabata para na e parkinglot y a pasa
algun auto ora cu diripiente e sospechoso lo a baha y pasa tras di e s.u.v. preto anto los algun

tiro di cual un a dal den su cabez, 2 den pecho y un den lomba. Tur autoridad competente a
presenta na e sitio y fiscal a confisca e curpa. Nos lo sigui informa

Na famianan di e fayecido ta bay nos mas sincero palabranan di condolencia.