Page 18 - KPA_Neat

Diasabra mainta tempran polis a ricibi e informe di cu dilanti un compleho di apartamentonan na
Matadera a aparece un Hyundai i-10 cu su motor cendi y ningun hende den dje, mesora a dirigi
un patruya na e sitio. Na yegada di e patruya a bin encontra cu e Hyundai i-10 A26445 cual en
berdad tabata tin su motor cendi y cu un tire flat. E auto aki ta ser sospecha di lo ta esun cu a

ser usa pa comete e atraco diabierna atardi na Tec. Polis mesora a confisca e vehiculo y a nota
cu e ladronnan a pone un extra tin paden di e auto pa asina niun hende por mira paden. Un di e
bentananan di choller a ser kibra y re-emplaza pa un pida plywood gespuit color preto. E
dashboard bao di e stuurwiel tabata completamente destrui. Takelwagen a yega y a tuma e
vehiculo hiba na warda di polis pa mas investigacion.