Page 20 - KPA_Neat
P. 20
Auto ta wordo horta den nanishi di taxista cu a baha yena
tirenan di su auto na Citgo Blvd
Monday, 22 May 2017 12:23
Comparti
Dialuna marduga, un poco despues di 12’or, taxista di TX343 a bay yena su tairanan di auto na Citgo
Boulevard, ora cu un auto blanco a pasa banda di dje. Dado momento un individuo a sali for di e auto y a
bula tras di stuur di su taxi y a core bay, lagando e taxista su so para.
Un patruya cu tambe tabata na e stacion di gasolin a nota e wega y di biaha a cuminsa cu un persecucion
cu a caba na Madiki. E supuesto ladron a core baha for di e taxi y a core bay. Mientras tanto e camaranan
di siguridad di Citgo a filma tur cos y a identifica e auto. Polis a sali den busca di e auto envolvi y a bin
haya esaki parti pabao di Fantastic Gardens na Bushiri. Polis a bin haya un mucha muhe sinta den e auto.
Transportwagen a presenta na e sitio y a detene e dama. Te asina leu nan no a haya e homber cu a horta e
taxi. Sinembargo, un rato despues, cu polis tabata haciendo control den un auto particular, nan a bin
topa cu e sospechoso y a detene.
