Page 24 - KPA_Neat

Hoben Di 26 Aña Tira Mata Banda Di Olde Molen

 Local

 Policial
- 21/05/2017

Diadomingo madruga pa 4:28 Central di Polis ta haya un yamada na unda den prome
instante ta bisa cu lo tin tiramento band’i Olde Molen. Ta manda un patruya policial di
biaha n’e sitio.

Na yegada patruya policial ta bin encontra cu un hende homber drumi abao y cu varios
tiro na su curpa den e parkeerplaats di Olde Molen.Di biaha a pidi pa ambulance cu
urgencia ya cu e persona no tabata duna señal di bida. Ambulance ta yega n’e sitio di e
sucedido, pero no por haci nada mas p’e persona.Dr Texier a constata morto pa 5:30 di
Ralph de Palm di 26 aña naci na Haiti, biba na Blenchistraat, Simeon Antonio. Fiscal a
laga tuma e curpa den beslag.Polis a sera full rond di e area unda e caso a tuma lugar.
Recheche y Departamemto Forensico di Cuerpo Policial a yega n’e sitio pa haci nan
investigacion pa saca afo kico exactamente a pasa y ken (nan) por t’e
responsabel.Nomber Polis tin caba di e sospechoso cu a tira, y ta un persona cu ta biba
den Rancho di fam S.

Tambe a pidi Departamento di Slachtoffer Hulp pa por guia e famia den e momento
dificil aki.

Cuerpo Policial ta pidi ken cu a wak of sa algo di e caso aki yama tiplijn di Polis 11141.

Nos di Cuerpo Policial y tambe AWEMainta ta extende palabra di condolencia na famia
di e fayecido.