Page 48 - KPA_Neat
P. 48
POST VIEWS: 258
ORANJESTAD,Aruba
Diaranson, Central a manda patruya na un cas na Bubali pa un ladronicia. Eynan a papia cu e dama
F., kende a declara cu desconocinan a drenta su cas. El a splica cu pa banda di 1’or el a yega cas for
di un entiero y cu pa banda di 1’or y mey, e yiu muhe di F. a declara, cu el a mira e television di
marca Philips, color zilver, un flatscreen di 42”, un laptop marca Apple, modelo “MacBook”, y un
Playstation modelo 4 cu su dos controlnan pa ultimo biaha. F. a declara cu pa mas of menos 2’or y 45
el a scucha un zonido duro. Akinan el a lanta y a bay controla den e cas. E momento ey el a ripara cu
e porta di cushina tabata habri. El a pensa sigur cu e casa a laga e porta habri. Despues a bin resulta
cu desconocinan a drenta den e cas y a hiba e articulonan ya menciona. Tambe nan a reboltia den e
auto Chevrolet modelo Astro, color shinichi. E porta drechi di e auto no tabata na yabi, debi cu esaki
tabata defecto. Segun F. e porta di hero di e sala patras di e cas, tampoco no tabata na yabi. Central a
wordo poni na altura.
Policial
NOTICIA DI POLIS : AWA DI
POS TA CAUSA MOLESTER
NA SABANA LIBER
