Page 43 - KPA_Neat

Mucha di tres aña perdi riba Linear Park mientras tata mes
tabata bebe na bar

Monday, 22 May 2017 09:04
Comparti

Diadomingo mas o menos 9:25pm, a manda patruya di Polis cu urgencia na Linear Park pa un mucha
canando perdi buscando su tata. Polis a cuminsa un buskeda riba Linear Park y a logra localisa e mucha
muhe di tres aña di edad cu tabata deshidrata, wowonan cora di yora, spanta y den panico.

Despues di como mey ora buscando, Polis a logra topa e tata sinta cu 3 otro hende homber na un di e
barnan den cercania. Ta comosifuera cu e no tabata worry unda su yiunan ta. Polis a duna e tata un bon
scual y splike den ki problema e por haye aden pa situacion iresponsabel asina. Mirando e situacion, e
Polis femenino a dicidi, di su mesun cartera, cumpra un pizza y algo di bebe pa e criatura, pa calme y
sigur'e cu tur cos tabata OK atrobe. El a conta e Polisnan cu su mama ta trahando y cu e tata a hiba e 4
rumannan pa hunga riba e park pero el a perde rumannan y tata den e proceso. Polis a atende e tata
tambe riba e orario pa hiba mucha hunga nan so den un park!