Page 38 - KPA_Neat

Polis na e sitio a pidi pa takelwagennan pa hiba e auto warda, pa asina por cuminsa un investigacion mes
ora.

Criminalidad ta sigui : Gerente di Tec Inc atraca

door di 2 homber arma, nan ta bay cu 50mil florin

8 mins ago 0 8 Views
Arendstraat, Oranjestad- Diabierna atardi algo pasa di 5 ‘or, polis ta wordo pidi cu urgencia na e
Compania TEC Incorporated den Arendstraat, pa motibo cu dos persona a atraca e director di e
compania aki.
Dos homber cara tapa, ambos cu arma di candela den man ta atraca e director di TEC Inc, ambos
a bandona e sitio den un Huyndai I10 shinishi.
Testigonan a sigui e auto, pero den Belgiestraat nan a perde e auto for di bista.
Mirando cu ta riba un atardi hopi druk, testigonan a logra coi e number di auto y polis a confirma
cu e auto cu a wordo usa pa huy for di e sitio ta un auto cu a wordo horta den oranan mas
trempan di dia.
Aparentemente pa mas di un aña, e personal tabata nota varios auto straño tawata vigila e lugar.
E compania tin camara di seguridad full rond di e edificio y e atraco aki a keda graba riba nan
security cameras.
E atracador nan a logra baha na awa cu mas o menos 50 mil florin.
Polis a tuma datos y varios patruya di polis a tira bista den vecindario pero no a logra topa cu e
atracadornan.
Atraco team y slachtofferhulp tambe a presenta na e sitio y e caso ta bou investigacion.
Aki ta sigui un parti di e relato duna door di Sra Rasmijn di cuerpo policial.
” Diabierna atardi pa 17:11 central di polis a haya jamada di un hende homber bisando cu e
la wordo atraca den e hanchi di TEC Inc. Ta manda patrouille di biaha na unda cu e meneer
ta declara cu e ta canando bayendo na su auto pa asina bai deposita e plaka di dia na banco.
Diripiente dos hende homber a baha foi un auto color shinishi glas getint. Tur dos tabata tin
cara tapa y tur dos tabata tin arma di candela “.