Page 34 - KPA_Neat

Polis a detene dama cu a yuda ladron huy, tawata

e persona cu a horta e taxi

1 min ago 0 0 Views
Bushiri – Dialuna marduga despues cu polis a localisa e taxi horta y cu nan a perde e ladron di
bista, nan ta haya tip di un habitante.
E habitante ta splica di un homber cu lo a core subi un jeep blanco y bandona e sitio.
Esaki a sosode den area di Playa Pabou.
Polisnan atento a sigui controla y pabou di Fanastic Garden den Caya Souer Dorothea ta bin topa
cu un Mitsubushi Pajero stuur rechts staciona, den e dje un dama.
Polisnan a haci e dama varios pregunta relaciona cu e homber cu ela hinca den auto, pero no
tawata kier a coopera. No a keda polis nada otro pa detene y transporte pa warda di Playa. E auto
mientrastanto a wordo getakel y hiba warda pa mas investigacion.
E momento eynan polis a busca den e area y tawata sa cu e homber ta den e vecindario, pero
door di e scuridad tawata imposibel pa a haye. Bayendo warda cu e dama polis ta haya
informacion cu e homber R.Croes a yama y bisa cu e lo entrega su mes pa asina ey evita mas
problema.

Conocido taxista Gomes ta baha yena tire y

ladron ta bula na stuur bay cu su auto

1 min ago 0 0 Views
L.G.Smith Boulevard – Dialuna marduga polisnan ta sigui un taxi 343, a cuminsa un persecucion
caminda cu varios biaha a dune ordo pa para, pero e persona no tawata haci caso.
Dado momento e ladron di e auto, ta drenta Madiki y ta hinca e auto den un hanchi small cu
tawata un dead end. Di eynan e lo a bula un muray y asina evadi polisnan.