Page 32 - KPA_Neat

MUCHA HOMBER DI 9AÑA MARA DURANTE

ATRACO ARMA ARIBA SU CAS

May 22, 2017 Admin Uncategorized Leave a comment

Madiki – Diadomingo anochi den careda di 8’or un biaha mas polisnan ta wordo
avisa di un caso di atraco arma, ariba un cas di famia situa mas pabou di
consultorio di Dr John Croes.

E atracadornan aki segun polis, a bay cu te hasta keds.

Señora Rasmijn di cuerpo policial a duna e siguiente relato :

” Diadomingo anochi pa 8:15 jamada ta drenta na centraal di polis cu un atraco
a tuma luga na un cas na madiki kavel. Patrouille ta jega na e cas na unda ta
topa cu e donjo di cas y e ta declara cu 3 hende homber a jega drenta su cas y a
pidi pa plaka. Nan a dal e homber den cabez tapa su cara y a mare. Su yui
homber di 9 anja tambe nan a mare. Dos di e atracadornan tabata tin arma di
candela. Nan a reboltia e cas y a bai cu cadena ,cartera y telefonnan. Despues
nan hui aparentemente den un auto color shinishi. Diferente unidad a cuminsa
hasi busceda pa wak si nan ta topa cu e auto . Na altura di korvetstraat nan a
topa cu un auto cu ta cuadra cu e auto cu mester a wordo usa pa hui di e cas na
madiki kavel. Ariba ordo di hefe di Atraco team e auto a wordo tuma den beslag
na unda cu polis forensico lo hasi su investigashon.
Atraco team a presenta y tambe slachtoffer hulp.
Ken cu por a wak algo jama tiplijn di polis 11141″.

Atraco despues di algun dia cu tawata “keto”, tey un biaha mas. E ta manera
algo contagioso, manera un cuminsa despues di algun dia di “rust”, hopi mas ta
sigui su tras.

Pues manera semper sea alerto den bo bario y avisa polis semper ariba
situacionnan straño cu ta wak. Criminalidad ta halto aki na Aruba.