Page 35 - KPA_Neat

Algun minuut despues polis ta wordo informa cu e taxi lo a wordo horta for di e conocido taxista
di Fam Gomes.
Na prome instante a pensa cu tawata un atraco y cu nan a bay cu e auto.
Pero esey no tawata e caso.
Mas despues polisnan a compronde cu e taxista lo a bay yena su tire y diripiente a sinti hende
subi den e auto, aparentemente pa ora cu e kier a bay pa stop e, ela cuminsa primi gasolin y bay.
Asina mes ela trata na wanta e auto, pero ela wordo lastra y mester a laga los.
E taxista aki ta e mes un taxista cu a wordo tira den baño na Southbeach, tambe “nan” a yega di
horta su mac reemnan y tambe a yega di haye envolvi den un accidente di auto, caminda e auto
aki marca KIA a sufri basta daño.

Accidente cu dos persona herida na Plantenrust

1 min ago 0 0 Views
Platenrust – Diadomingo anochi 10’or polis ta bay e crusada di Plantenrust pa bay Wayaca, caminda un
accidente cu hende herida a tuma luga.
Na yegada polis ta constata di Toyota Yaris banda di otro, den ambos auto tawata tin hende herida.
E mes un momento tawata tin e accidente serio tambe ariba e caminda di Tanki Leendert.
Polis na e accidente di Plantenrust ta constata cu tin un dama ocho luna na estado y cu ela haya golpi.
Den e otro Yaris e chauffeur a haya kap na cabes.
Ambulance cu tawata bayendo Tanki Leendert a wordo desvia pa bay atente e herido nan aki.
Falta di preferencia a hunga un rol den e accidente aki. Ambulance a transporta esnan herida pa
hospitaal.
E mes un crusada aki basta aña atras tawata tin un accidente fatal, pues e ta un crusada pa pone bon
atencion ariba dje.