Page 107 - AVP

di scol mes, e intrankilidad den enseñansa awor aki tin un causa: e minister di enseñansa.

Ta pesey diferente grupo di maestro di scol, na diferente momento den ultimo aña, a pidi

atencion pa e situacion critico den enseñansa. Awor nan ta pidi pa retiro di e minister di

enseñansa mes. E exigencia pa e minister tuma su retiro ta inusual y e ta un señal cu ya

no ta wak posibilidad pa traha cun’e. Ta con a yega asina leu? Ta kico a sosode cu den

apenas dos aña enseñansa ta den e chaos aki?

CHAOS DEN ENSEÑANSA

Pakico ta characterisa e situacion den enseñansa como uno chaotico. Buscando splicacion

a yega na e siguiente motibonan cu maestronan mes ta menciona: falta di atencion pa

problemanan serio na tur nivel di enseñansa. Scolnan cu pa prome biaha desde 1965 a
cuminsa aña di scol sin ta sigur di cua plan o curiculo lo usa. Pa prome biaha for di 2008

tin alumnonan cu ta habri aña di scol sin ta sigur cu tin luga na scol. Maestronan di scol

cu no sa a base di cua regla nan lo wordo paga. Problemanan den scolnan cu ta djis

wordo neglisha y hala un banda. Meta di minister pa “digitalisa enseñansa” no ta nada

nobo y revolucionario manera e ta pretende, pero hasta e meta aki no ta alcansabel

pasobra scolnan a mustra riba e falta di internet, computer, programanan digital y training

necesario pa por traha den forma digitalisa y organisa. Esaki ta djis parti di e reclamonan

concreto di maestronan di scol. Ta logico cu tur e puntonan aki mester a wordo atendi

prome cu scol a habri, pero a neglisha esakinan. E consecuencia di esaki ta e inclaridad,

inseguridad y intrankilidad pa enseñansa den mucho hopi scol. Ora un organisacion falta

asina hopi punto essencial, e no por funciona bon. E ta funciona chaotico. Tin falta di
maneho y desicion cla cu tur hende sa y ta compronde. E falta di claridad y inseguridad

aki a crea e situacion chaotico den enseñansa. Apesar di e esfuerso y bon boluntad di