Page 108 - AVP
P. 108
masha hopi maestro di scol den henter enseñansa, nan falta e claridad di maneho y sosten
pa ehecuta esaki cu nan mester haya di gobierno!
Direcion y dialogo
Enseñansa ta un area di maneho cu tin dos instrumento essencial na su disposicion:
claridad di direccion y dialogo cu trahadornan den enseñansa. Bon maneho pesey ta bin
di con bon ta comunica e metanan di enseñansa y con bon ta comunica cu trahadornan pa
logra e metanan aki. Enseñansa ta un organisacion asina grandi, cu metanan di largo
plaso, cu asina hopi detaye y asina hopi hende envolvi, cu ta exigi bon comunicacion
continuo y na tur nivel. Enseñansa ta rekeri planificacion di largo plaso, di aña pa aña, di
luna pa luna, di siman pa siman. Bon enseñansa ta sosode ora tur e hendenan envolvi,
alumnonan, maestronan y asistentenan, majornan, specialistanan y administradornan,
traha den forma coordina pa logra metanan cu a acorda. Pesey enseñansa ta rekeri
claridad di e metanan a largo plazo, pa por coordina trabounan y e accionnan di corto
plazo. Pero ora no tin claridad riba e metanan, maestronan, alumnonan, scolnan no tin e
informacion y sosten cu nan tin mester pa actua den forma coordina. E claridad y sosten
aki cu e minister y su specialistanan mester duna, no tey! Al contrario, e minister a crea
inclaridad y incertidumbre den e dos añanan cu a pasa. E comunicacion continuo y cu tur
nivel den enseñansa, no tabata tey of a caba na nada.
Enbez di dialogo, e minister a neglisha loke e a tende, e ta sorprende hende cu su
desicionnan unilateral, e ta duna instruccion robez pa despues culpa otro di a compronde
malo. No tabata tin un dialogo habri, di scucha bon y di inclui tur opinion den un forma
balansa y racional den tumamento di desicion. Cu e falta di claridad y dialogo, e minister
a bruha tera y haci comunicacion normal imposibel. Dos aña largo maestronan a purba te
ora nan no tabata por mas y a perde tur confiansa den e minister di enseñansa.
Mei mei di falta di claridad riba futuro cercano riba forsa di compra pa majoria di nos
