Page 31 - MIN ARENDS 19 MAY 2017

Gobierno a formalisa e status di 'nonactief' di Minister Paul
Croes Ta di lamenta con cierto 'medio di comunicacion' ta

purba crea mal impresion atrobe

Thursday, 18 May 2017 18:11
Comparti

Manera cu ya caba ta conoci desde 30 di maart Minister Paul Croes hunto cu Minister President Mike
Eman den un declaracion na prensa a anuncia cu Paul Croes lo tuma distancia di su funcion como
Minister pa asina duna espacio na Ministerio Publico pa por hasi nan trabou.

E desicion aki a wordo formalisa por medio di un decreto (LB) unda ta traspasa autoridad y
responsabilidad na Minister Mr. Angel Bermudez. Atrobe a tuma nota di informacionan incorecto di
cierto medio di comunicacion cu ta purba troce e berdad y sensacionalise na nan antoho y
antiprofesional. E decreto gubernamental aki a wordo manda pa Parlamento di Aruba y tambe na
autoridadnan concerni pa asina formalisa den un forma transparente y legal e status di Minster Paul
Croes. Desde 28 di maart Minister Paul Croes no a firma ningun documento mas cu ta conerni su
ministerio (contrario na cierto medionan di prensa).

Gobierno di Aruba conforme cu peticion di parlamento di Aruba di e forma aki ta formalisa e status di
nonactief cu Minister Paul Croes a tuma na momento cu a hasi entrada hudicial na su cas. Un desicion
etico y corecto cu e Minister a tuma pa asina no influencia e investigacion. E decreto a wordo formalisa y
ta un procedura cu a keda realisa riba 12 di Mei. Ta lamenta cu atrobe ta purba di trece un 'twist politico'
y insinuativo pa purba mancha e imagen di e hoben politico cual ta simplemente un formalisacion di un
procedura anteriormente anuncia. Ta importante pa keda refuta cualquier informacion eroneo pa
comunidad.