Page 32 - MIN ARENDS 19 MAY 2017

Minister Richard Arends: Aruba ta number 1 den Caribe pa
loke ta telecomunicacion y speed di internet

Thursday, 18 May 2017 21:54
Comparti

Diaranson, dia 17 di Mei, e sociedad internacional di telecomunicacion y informacion a celebra
dia Internacional di Telecomunicacion.

E tema di e aña aki ta “Big Data, Big Impact”. Si por a mira durante e ultimo añanan, e enfoke
ta hopi mas riba digitalisacion y rednan digital. Esaki den varios entrevista cu Minister Richard
Arends a yega di duna, como tambe conferencianan cu el a yega di habri, atrobe enfoca riba e
efecto di telecomunicacion, e efecto di data, e efecto di rednan digital, con esey ta
transformando nos economia.

Diabierna, durante fin di siman tabata tin e Hackathon, y por a mira un interaccion interesante entre
telecomunicacion, innovacion y data, pa actividadnan economico. Mirando esey, Gobierno di Aruba ta siguiendo e
desaroyonan di cerca. E desaroyonan cu tin cu data, cu tin di haber cu rednan digital pa asina manera cu nos ta
awor aki, number 1 den Caribe, pa loke ta telecomunicacion y speed di internet y por keda mantene esaki. Tin
providernan local, SETAR siguramente ta hunga un rol importante den esaki, segun e mandatario.
Inversion

E inversionnan di SETAR ta parti di e competividad di Aruba. Competividad localmente, pero
tambe den region. Infrastructura, cual rednan digital ta un parti esencial di dje, ta loke ta duna
sosten na un economia. Infrastructura, hunto cu calidad di bida, ta loke ta duna sosten na
economia. Esey ta e pensamento di e gabinete aki, Gabinete Mike Eman I y tambe partido AVP
pa loke ta trata desaroyonan economico. Pesey tambe inversionnan no solamente den
infrastructura tecnologico di telecomunicacion, infrastructura fisico, infrastructuranan di
caretera, infrastructuranan maritimo, a haci inversionnan necesario pa asina eleva e nivel di
economia pa un siguiente nivel, segun minister Richard Arends.