Page 8 - AWEMAINTA
P. 8
8 AWEMainta Diamars, 16 juli 2019
Di acuerdo cu Gregorio Wolff
Tristo con sindicalimo y cierto
trahador ta posiciona nan mes
NA 2015/16, Gobierno di AVP pa motibo di malmaneho y cu
problema financiero pisa, a tuma e decisión pa elimina e Sub-
sidiale Regeling pa fundacionnan den sector publico. Funda-
cionnan awor, ta ricibi pa aña un suma cual ta ser calcula na
banda di 80% di e costo total di e fundación y fundacionnan
mester organisa fundraising of otro formanan pa ricibi placa,
pa purba di keda riba awa, según Gregorio Wolff.
Awe nos ta wak cu varios sindicato ta grita y subi caya, pero
esaki mester a sosode na 2015/16, na momento cu Gobierno
di AVP a elimina e Subsidiale Regeling pa fundacionnan den
Sector Publico. Sindicatonan mester a para duro e tempo ey,
mustrando Gobierno cu e desicion pa elimina e Subsidiale Re-
geling ta incorecto.
Awe nos ta biba cu e mal desicion aki, falta di accion sindical
na 2015/16, ta pone cu awe sindicalismo ta haye obliga di biba
cu e consecuencia y ta hiba accion contra Gobierno.
Gregorio Wolff ta bisa cu e mester menciona cu na 1993/94,
SEPPA tabata e unico sindicato negociando cu Gobierno pa
mehora e status di trahadornan di fundacionnan.
SEPPA, cu lidernan cu conoce e materia dificil, cu semper ta-
bata balente pa defende trahadornan, a logra lo maximo.
Awe e situacion ta otro. Despues di e acuerdo na 1994, otro sin-
dicatonan a cuminsa un lucha sindical fuerte pa busca miem-
brecia den e sector aki.
Hopi trahador a lubida, kendenan a lucha y logra nan adelan-
tonan. Consecuencia ta cu erornan a ser cometi.
Wolff a wak copia di un CAP na INSAM, den cual trahadornan
a perde nan ATV-dagen. Tin tur indicacion, cu hopi perdemen-
to di derechonan adkeri lo sigui.
E ex sindicalista ta menciona dos proverbio antiguo cual ta
pas den e caso aki.
“Danki di mundo ta pishi di yewa”.
“Si bo a kima bo parti atras, bo ta obliga di sinta
riba e blaarnan”.
