Page 5 - ATA

AWEMainta Diaranson, 12 April 2017 17

Destaho publico pa maneho di cafetaria na MFA

CUMINSANDO e siman aki, interesadonan tin
oportunidad di busca informacion riba e rekisito y
exigencianan relaciona cu maneho di e cafetaria pu-
blico den edificio di MFA Paradera y Noord, segun
consehero tecnico di MFA, manager interino Jamil
Werleman.

E documento, ‘Terms Of Reference’ (TOR) ta obteni-
bel for di 10 di april na MFA Noord y Paradera. 19 di
april ta duna informacion y detaye necesario ademas
di contesta preguntanan cu por tin for di 10:00am
na MFA Paradera, na Paradera 145-C.

Tin varios rekisito pa por participa den e proceso.
Importante ta cu mester ta un compania local regis-
tra na Camara di Comercio, e resto di rekisitonan ta
specifica te den detayes den e TOR. Destaho publico
mes ta tuma lugta 28 di april proximo pa 10:00am
na MFA Paradera.

E cafetaria lo mester ta habri durante ora di trabou di
e Hulpbestuurskantoor, di 7’or y mey di mainta pa
4’or y mey di atardi. Werleman a bisa cu no ta des-
carta e posibilidad di wak den futuro si tin necesidad
pa expande e orario. E cafetaria ta destina na prome
luga pa sirbi clientenan di e MFAnan y henter Aruba,
pero tambe pa e personal trahando den e edificio.