Page 10 - ATA

Pesey mes cu e tabata cana cu un sonrisa grandi riba su cara dia cu e instituto
financiero non profit Qredits cu ta brinda micro krediet na start ups y entrepreneurs, a
habri su portanan den MFA Noord.

“Camara di Comercio ta hopi contento cu e desaroyo aki. Mayoria di entrepreneurs cu
ta bin cerca nos ta bisa nos cu nan problema pa cuminsa nan propio negoshi ta cu nan
no ta haya financiamento. Yegada di Qredits ta trece un cambio den esey. Pa loke ta
coaching y educacion cu e instituto ta brinda, nos ta mira esey como un balor agrega.

Nos ta bay purba di incorpora entrepreneurship den e curriculum di schoolnan. Esaki ta
pa studiantenan sa cu entrepreneurship ta un opcion pa nan tambe. Nan no mester
traha pa un hefe si nan no kier esey, pero por lanta nan propio compania”, señora
Veldhuizen a splica e punto di bista di Camara di Comercio.

E ta haya e combinacion di brinda financiamento, coaching y enseñansa uno hopi bon.
Esaki ta importante pa e comunidad comercial di Aruba. Pa loke ta enseñansa, splica e
hoben empresario con start un negoshi ta algo cu Kamer ya a cuminsa cu ne caba.

“Nos ta organizando hopi curso. Nos ta ofreciendo e curso ’empresario independiente
chikito y mediano’ cu ora nan slaag nan tin papel igual cu un middenstandsdiploma.
Tambe nos ta ofrece curso riba tereno di administracion financiero y nos tin nos starters

event (business plasa) pa esnan cu kier lanta nan propio compania y siña kico tur esaki
ta encera. E informacion ey ta worde brinda na nan. Tambe nos tin nos business plasa
pa nos empresarionan cu kier sigui crece. Asina ta cu Camara di Comercio ta organiza
varios evento pa educa y informa empresarionan di Aruba pa prepara nan bon.” Señora

Veldhuizen a bisa cu Kamer ta traha hopi cu ‘IDEA’ cu ta un proyecto di Departamento
di Asuntonan Economico. Nan ta organiza cursonan hunto. “IDEA y Kamer tin un bon
cooperacion cu otro.”

http://www.diario.aw/2017/04/directora-di-kvk-ta-mira-e-balor-agrega-di-qredits/

Cu introduccion di Gaming Board lo tin un

bista mas structura riba gambling

April 12, 2017
17