Page 12 - bon-dia-aruba-20180901

a12 riba caya
Diasabra 1 september 2018

Polis a interveni den pelea di studiante

ORANJESTAD - Diahuebs merdia polis a keda infor-
ma cu pafo di Maria College lo tin aglomeracion di stu-
diantenan di EPB. Mesora patruyanan ta yega y topa cu
e hobennan y a hala nan atencion.

Rato despues un studiante di EPB a yega Maria College para
dilanti e porta pa warda un studiante, cu el a bringa cu ne si-
man pasa, ward’e sali for di scol pa asina bringa un bes mas.
Manera e hoben a mira polis el a cuminsa cana bay direccion
zuid, pero e oficialnan a logra topa cu ne na caminda y bay cu
ne warda, pa asina su mayor busk’e na warda y hala su aten-
cion debidamente di loke e kier a haci pafo di Maria College
cu un studiante di e scol.

Van di pan den accidente na Ponton

ORANJESTAD - Diahuebs
merdia, na e crusada banda
di Wema na Ponton, a sosode
un accidente entre un pick-
up y un van.

Na e birada, e chauffeur den e
pickup a purba tuma chens pa
crusa caminda, mientras un Van
di pan biniendo di zuid a dal
den e pickup.
E pickup na e momento ey a bay
dal den un Hyundai, cual tabata
staciona pariba di caminda. No
tabata tin ningun persona herida
pero daño material tabata con-
siderabel. Roadservice mes a
keda encarga cu e accidente.

Pickup a dal

contra auto

di polis

ORANJESTAD –
Recientemente a tuma
luga un suceso unda
un auto di polis, cual
tabata patruya den e
area di caya grandi, a
keda involucra den un
accidente cu un pickup.

Mientras polis di bario
Oranjestad tabata patruyando
riba Caya Betico Croes,
bayendo direccion abou a
nota cu lo tin un bringamento
poco pabou den caya, pa cual
motibo mesora a cende nan
sirena y luz pa bay atende cu
esaki. Na e crusada banda di
Bon Bini Bazaar, e chauffeur
di un pickup a yega sali
dilanti di e patruya y a dal
den e auto policial. No tabata
tin ningun persona herida,
pero daño material tabata
considerabel.