Page 16 - bon-dia-aruba-20180901
P. 16
A16 HENDE
Diasabra 1 september 2018
Studiantenan cu a destaca academicamente na Facultad di ‘Hospitality
and Tourism Management Studies’
ORANJESTAD – Reci-
entemente e Universi-
dad di Aruba Facultad di
Hospitalidad y Turismo
(FHTMS) a organisa
nan prome ‘Dean’s List
Breakfast’.
Esaki tabata un evento bi-an-
ual pa reconoce studiantenan
cu a destaca academicamente
den cada semester di nan es-
tudio. E programa ta consisti
di seis semester cual ta repre-
senta un periodo di tres aña,
y studiantenan ta sigui seis
curso den cada semester. Pa
logra forma parti di e Dean’s
List un studiante mester tin
un GPA di minimo 3.25 den
e prome aña y un GPA di 3.5
den e di dos y tres aña.
Segun decano John Ward-
law: “Forma parti di e Dean’s
List ta exigi hopi dedicacion
y determinacion pa destaca.
Mester demostra habilidad-
nan cu academiconan y pro-
fesionalnan den comunidad
en general ta balora. E stan-
dard academico aki ta un
refleho di cada studiante cu
a traha pa ricibi e honor, y
tambe e trabou di e staf com-
pleto. Nos ta sumamente or-
guyoso y ta felicita e grupo di
studiantenan ehemplar aki
formando parti di e FHTMS
Dean’s List.” Esaki ta segun e
comunicado cu nos a ricibi.
Dean’s List Spring 2018 ta
consisti di:
Freshmen: Sophie Donker,
Stephanie Matos y Maria Ta-
lavera
Juniors: Karel Arends y An-
nabel van Westerop
Seniors: Danyela Vásquez y
Mary Joan Wardlaw
Nos studiantenan ta remarca
cu nan ta motiva pa traha
duro y asina forma parti di
e Dean’s List y ta realisa con
importante y prestigioso ta
pa ricibi un reconocimento
asina. Demostrando cu ‘hard
work pays off’. Staf y studi-
antenan a disfruta di un tre-
mendo desayuno cu Ms. T
(Thais Nierop) a prepara cu
hopi amor.
Staf completo di FHTMS ta
yama bon bini na tur studi-
ante y ta desea nan exito den
e aña academico 2018/2019.
FHTMS ta reconoce e con-
tribucion unico y strategico
di e industria di turismo pa e
desaroyo di Aruba y Caribe.
E studiantenan ta wordo pre-
para ariba terenonan pa un
carera profesional den dife-
rente ramo.
