Page 10 - AWEMAINTA

10 AWEMainta Diamars, 11 September 2018

Banda di ex Bushiri Beach Hotel

Auto ta dal peaton lagando e seriamente herida

DIADOMINGO den careda di 11’or y mey
di anochi, un homber ta baha for di bus y ta
crusa caminda sin pone tino cu tabata binien-
do un Toyota Yaris Blanco cu velocidad halto.
E auto ta dal e homber lagando e seriamente
herida.
Aparentemente e chauffeur no por a haci mas
pa por a evita e accidente aki.

Despues di e impacto fuerte e homber a keda
benta boca bou riba caminda. Na prome in-
stante a wordo bisa cu ta trata di un hit and
run, pero e chauffeur a bira bin bek n’e sitio.
E homber a ricibi hopi golpi, aparentemente e
lo a fractura su pia y brasa, tambe el a ricibi
golpi na cabes y aparentemente e lo a haya sla
paden.
Esnan n’e sitio mesora a bati alarma, Polis y
Ambulance a presenta n’e sitio y personal di
ambulance hopi liher a prepara e victima y a
transporte cu hopi urgencia pa hospital.

Varios unidad di Polis tabata presente, Depar-
tamento Tecnico di Polis y Specialista di Trafi-
co tambe a wordo pidi n’e sitio.
Despues cu e accidente a sosode, Polis a cera e
caminda principal di e turbo rotonde p’e cru-
zada di lusnan di trafico na Fatum y pa mas o
menos 1’or y 20 di madruga, ora a caba cu e
investigacionnan necesario a habri e caminda
bek pa trafico.

E auto cu a alcansa e peaton a wordo confisca
pa autoridad pa mas investigacion. E impacto
tabata hopi fuerte, mirando cuanto daño e auto
a haya y tambe e situacion critico cu e victima
ta den. E victima ta interna na hospital y su
situacion ta critico.