Page 3 - AWEMAINTA

Diamars, 11 September 2018 AWEMainta 3

Despues di algun aña

Bubali Plas ta na candela atrobe

Tabata ayera madruga rond di 3 or, cu autoridadnan Policial y di Bombero
a keda avisa cu tin un candela grandi na Bubali Plas. Cuerpo di Bombero
a manda un di su unidadnan pa bay inspecciona prome y ora cu a con-
stata cu e candela ta grandi a sali cu mas unidad.

E no tabata facil pa combati, si tuma na cuenta cu Bubali Plas ta grandi
y como tin basta dia sin awa ta yobi tur yerba ta seco y riba dje biento
tabata supla fuerte, loke a haci cu for di Sasakiweg e candela a “core” te
otro banda, esta pa Juan E. Irausquin Blvd, pa despues dal un buelta pa
tuma otro parti di yerba seco.

Mirando tur esaki y manera menciona no ta facil pa combati cu awa so,
Comandante di Bombero, Eduard de Cuba, a pidi yudanza di DOW pa
bin cu algun equipo pisa pa wak con por corta caminda pa bomberonan
no por yega asina liher.
E yerba ta basta halto, y si manda hende den dja, ta peliger pa nan mes,
pasobra nan lo perde den e yerba y por bira victima di e candela.

E candela feroz aki a causa daño grandi na Flora y Fauna, unda a constata
cu hopi bestia cu ta biba den Bubali Plas a muri.
Kico y con e candela aki a surgi, e por ta e.o. accidental, un persona lo a
tira un sigaria afo y a sende candela, debi na yerba seco. No ta exclui cu
e por a ser sendi intencionalmente tambe, segun Comandante Eduard de
Cuba, pero lo mester investiga con e candela a surgi.

GREG PETERSON
Den oranan di madruga, Presidente di Bird Life Conservation tambe ta-
bata presente na Bubali Plas. Un persona defensor di Flora y Fauna di
Aruba, cu dolor na su curazon mester ta testigo di e candela feroz aki, sin
por haci mucho.

Secura ta un factor cu ta dificil combati un candela grandi asina. Bomb-
eronan a haci lo maximo. Tur esaki den temporada cu tin hopi broeimento
di parha y sigur di esnan e parhanan cu ta move riba distancia largo.
E dolor ta grandi, si mira e.o. con mira tortuga full kima pa no bisa e pis-
canan cu tambe a muri den e candela aki.
Segun Greg Peterson, den dia e lo lanta un drone pa haya bista real di e
daño causa.

Bomberonan a keda practicamente henter dia di ayera na Bubali Plas pa
tene e candela bao di control, evitando di lanta atrobe.