Page 26 - KPA

creencia y comportacion. E parti estima ta e parti con cada hende ta balora su mes. Na cuminsamento
e ta scondi pa despues desaroya su mes fisicamente.

Kico ta autoestima?

Autoestima ta stimacion incondicional, confiansa den bo mes cu ta haci pa bo logra bo metanan den

bida. Tambe desaroya bo personalidad na un forma satisfactorio. Autoestima ta duna nos e facilidad
di wak y analisa nos mes y sa con pa duna bo mes balor. Autoestima ta responsabel pa nos proceso di

funcionamento, e ta traha riba nos pensamento, nos estado emocional y nos actonan.

Con bo ta forma bo autoestima?

Autoestima ta un formacion continuo di cada dia riba bo personalidad for di e dia cu bo a nace. E
formacion ta alimenta su mes poco poco segun bo desaroyo personal.

Autoestima ta importante pa un hende su crecemento peronal?

Si, e ta importante pa bo bida diario, pasobra como ser humano semper mester stima bo mes, kere
den bo mes y cuida bo mes. E sentimento di sa balora bo mes ta duna bo semper exito den bida. Abo
mester tin e virtud di accepta, yuda y aprecia bo mes y otronan.

Caracteristica di un autoestima positivo:

Kere den bo balor y principionan, ni un hende por manipula bo of pone bo den algo negativo, sea
satisfecho cu bo personalidad, consciente di bo capacidadnan, tene respet pa bo mes, confia bo mes
100% y stima bo mes 100%.

Comportacion cu ta indica un autoestima halto:

Mester sa di reflexiona na momentonan di conflicto, cuida bo salud y bo curpa, siña di otronan.
Desaroya capacidad di planifica, actua pa logra bo metanan, no cera bo mes y tin e capacidad di

expresa bo sintimento y emocionnan. Relaciona bo mes cu otro persona cu no ta perhudica bo.
Respeta opinion, idea, diferencia y actitud di otro. Tambe sa di pordona bo mes y otronan y actua cu
honestidad.

Caracteristica di un autoestima negativo;