Page 28 - KPA

editor

POSTED ON MAY 06, 2017, 2:59 AM
3 MINS
POST VIEWS: 2

ORANJESTAD,Aruba

Diahuebs, pa mas of menos 1’or y 15 di marduga, Central ta dirigi patruya na Fast Delivery situa den

Rumbastraat, pa motibo di ladronicia. Miembro di seguridad na e sitio a bisa polis e por a mira cu
tabatin un homber sinta banda di e security. Dicho homber, kende despues a bin resulta di ta R., a
declara cu un rato prome, el a wordo atraca pa cuater homber cerca di Fast Delivery. El a sigui

declara cu e ta security di Fast Delivery.

Ora cu e tabata bezig cu su trabaonan, e ta sinti un hende want’e di patras y a bis’e pa e no papia.
Despues el a mira tres otro persona, para su dilanti. E cuater personanan tabata full bisti na preto, cu

manga largo y tabatin un sorto di muts bisti. E hombernan tabata por a papia bon Spaño y dos di nan
tabata por a papia bon Ingles. Nan a mara e security cu tape y a pone riba vloer den un huki. E
security por a scucha con e cuater sospechosonan ta papia cu otro. Nan tabata discuti si nan mester

mata e security of si nan mester hink’e den e freezer. Despues e tres sospechosonan a drenta den e
negoshi y un di nan a keda pafo hunto cu R.

Nan a keda mas of menos un 30 minuut den e negoshi. E security a scucha cu un di e sospechosonan

a bisa e otronan pa no mat’e. Despues nan a core bay den direccion pariba. R. a logra para y bay na e
compania dilanti, cual ta Safecom, pa asina yama polis. Patruya a bay na e negoshi, caminda no
mucho cos a wordo reboltia. Yegando den un di e kantoornan, polis a mira cu tabatin un buraco

grandi den e muraya. E doño a habri porta di su oficina pa polis y eyden por a mira cu tabatin un caha
fuerte grandi. E dos portanan di e kluis a wordo forsa. E doño a declara na polis cu no tin placa den e
kluis. Personal di departamento tecnico, hunto cu Atraco Team y Central a wordo poni na altura di e

situacion.

http://earubianonews.com/noticia-di-polis-desconocinan-drenta-y-haci-desaster-den-fast-delivery/

Policial