Page 47 - MIN JUS

Cerca di Cas di Preso Criminal Span Ospino: Auto y
sospechoso den Wayaca Falls para y a bay cu detenidonan

Monday, 13 February 2017 20:54
Comparti

Dialuna merdia tabata tin un caso hopi straño den e area di Wayaca. Tres homber sospechoso
no local a keda deteni.

Dos di nan ta illegal y uno falta poco pa bira ilegal. Tur tres a Colombiano. Un habitante di
Wayaca Residence a yama Polis pasobra a mira movecion sospechoso banda di su cas. El a
activa su alarma di cas y esaki a pone e sospechoso na pia move for di e sitio. A mira tambe un
V-Wagen cora para den cercania. E bisiña a sali tambe cu su auto y djey mira con e V-Wagen a
bandona e sitio. A bay su tras y perde den e area di Cumana. Ora cu el a bolbe cas a mira e
auto atrobe den cercania di e cosedo cu tin den Wayaca. Un hende tabata den auto. Polisnan a
wordo yama atrobe y a bin blokia e auto. A haya holor di marihuana y bay over na listra den e
auto. No a topa nada straño pero e chauffeur tabata ilegal. Ta Colombiano. Un tiki mas ley
banda di Post di Ambulance a mira un otro sospechoso na pia. A acerke mesora. El a bisa di no
conoce e chauffeur den e auto cora. Mas bien a bay pa pidi asistencia na post du ambulance.
Na Post di Ambulance a bin tende cu ningun rato so el a pidi pa yudanza. E tambe a keda
deteni. Diripente for di e casnan den Wayaca Residence a mira un homber ta biniendo y
mesora a bay riba dje. Esaki parce tabata tambe den e auto cora V-Wagen. Pa haci
investigacion a detene tur tres. Nan no tin melding di ladronicia pero tin algun desaroyo cu a
capta atencion di autoridad riba e tres figuranan aki. Ademas di dos ilegal, a constata cu dos di
nan tin diferente paña bisti riba otro. E chauffeur a splica cu nan ta biba na San Nicolas pero no
sa cual caya. Un cantidad di storia straño. Loke mas a capta atencion di autoridad ta e area
unda cu nan a bay. Ta tres Colombiano canando cerca di e cas di e acusado criminal Span
Ospino. Span Ospino ta e sera den KIA y diamars 14 di February a keda di bin cas. E ta biba
masha cerca den Wayaca Residence unda a haci tres detencion. Mirando e forma cu e
hendenan aki ta cana cu varios paña bisti riba otro y e area unda nan tabata, ta motibo pa
pensa cu nan ta reconociendo e area.. Span Ospino a basha abou durante e caso cu e ta wordo
acusa pe. Awor no sa si e hendenan aki tabata buske pa algo. Ta cosnan raro cu tin atencion di
autoridad y cu nan lo investiga tambe.

.