Page 50 - MIN JUS

ARGUMENTO DI VIPPA

E asosacion di importado di remedi a mustra cu ta

solamente ora cu tin remedi cu nan no tin of por a haya, cu
e botica(nan) por importa esaki, y e ora si solamente pa e

respectivo botica y pa e cantidad cu e botica normalmente
ta bende. Pero no por ta asina cu e botica ta actua como un

importado, y pio ainda, bende cu otro botica tambe. Pesey
a pidi huez pa impone e prohibicion.

BOTICANAN TIN PERMISO

Segun inspector di remedi, ley claramente ta duna e

botica(nan) e posibilidad pa importa remedi ora cu e
importadonan no por haci esaki of no tin den stock. Tambe,
e ley no ta prohibi e boticanan di bende esaki cu otro botica

ora cu nan a caba importa e remedi. De hecho, esaki ta

sosode solamente ora cu e respectivo boticanan pidi y haya
e permiso temporal pa haci esaki tambe. Pues no tin motibo
di tin problema den e caso aki.

HUEZ

Huez den e caso aki a mustra cu e peticion cu VIPPA ta

haci, ta bay mucho lew y cu no ta mira un problema pa
boticanan importa e remedi. Ademas un cambio di maneho

riba e tema ainda no ta cla, manera cu a wordo informa.
Como tal a rechasa e demanda di e asosacion. Lesa e

veredicto AKI.