Page 55 - MIN JUS

Magali Brito: Trahadonan di Post Aruba NV inkieto riba un
supuesto draaiboek cu gerencia tin

Monday, 13 February 2017 21:04
Comparti

Por a tuma nota cu tin un malcontento mey mey di e trahadonan di Post Aruba NV. Magali
Brito di SEPPA a splica cu siman pasa nan a wordo acerca den forma urgente riba hopi inkietud
cu tin bao di e trahadonan na Postkantoor.

Ta asina cu informacionnan a cuminsa core bao di e trahadonan cu lo tin un sorto di draaiboek
cerca gerencia di post pa loke ta con lo atende cu trahadonan di tal manera cu nan lo termina
den retiro di trahado na postkantoor.

Tin diferente nomber a wordo menciona y esaki a caba di culmina for di momento cu nan a
retira un trahado cu no ta cay bao di sindicato si. E ta un trahado recien tuma den servicio,
pero e trahadonan ta sinti cu nan lo por a traha hopi mas miho cu e persona aki y juist ora cu
nan a sinti cu nan a haya un hefe cu ta scucha nan y cu ta atende cu nan y ta haci algo cu nan
preocupacionnan, esaki ta wordo kita simplemente pa motibo cu no ta wordo mira, riba e
acercamento cu e tin cu e trahadonan.
A scucha un poco mas aleu y tin di compronde cu tin hopi mal contento cu e maneho di
personal cu ta wordo hiba na e momento aki. Antes tampoco no tabata full di acuerdo pero
por a biba cun’e. Awor aki nan ta hopi contra mes di locual ta pasando cu e maneho di
personal y esey naturalmente ta bin acerca cu e preocupacion cu lo tin un lista of un draaiboek
cu tin bao di gerencia, pa retira trahadonan. Hunto cu esaki tin kehonan cu for di December. Ya
caba na November/December tabata tin un protesta di trahadonan riba diferente punto, entre
otro maneho di personal y cual tin puntonan cu tin palabracion cu gerencia y segun
trahadonan, nada no a wordo haci. Asina tin hopi otro mas preocupacion bao di diferente
grupo. No ta solamente besteldienst sin otro departamentonan mas y tambe entre e hefenan.
Tambe e falta di claridad eynan ta loke nan ta pidiendo Seppa pa busca cerca gerencia y
minister y pa pone e minister na altura di con postkantoor ta wordo dirigi na e momentonan
aki cu nan no ta mira adelanto.