Page 56 - MIN JUS

Minister Arthur Dowers: Ospina ta sinta un castigo pa e
delitonan cu el a comete

Monday, 13 February 2017 22:31
Comparti

E notorio Ospina Span, ta un persona cu a comete crimen hopi fastioso y cruel riba e pais aki y
esey a buta tambe cu e tempo ey

, mobilisa masha hopi hende den e departamento hudicial hunto cu partnernan den reino, pa
atende cu sr. Ospina y diferente otro criminal, cu tabata parti di e netwerk hunto cun’e, cual
tabata personanan di afo y local.

Segun minister di Husticia, Arthur Dowers, Ospina a wordo condena, el a bay den Hoge Beroep
y tambe a wordo condena, cual ta nifica cu Ospina ta sinta un castigo pa e delitonan cu el a
comete. Den nos sistema legal ta buta cu un persona, despues cu e sinta cierto cantidad di
tempo, e por bin na remarca pa haya un verlof y segun Dowers, e noticia no ta corecto cu sr.
Ospina Span a haya verlof for di e minister. Pa prome biaha cu el a haya verlof, e minister el a
hay’e. E di dos biaha cu el a pidi verlof, e no a firm’e, pasobra no tabata rekeri esey. E ta pasa
den ley, segun Dowers. Tin politica ta haciendo un beheid cu e ley aki, cual nan mes a vota pa e
ley den parlamento algun tempo pasa. E persona na momento cu a comporta su mes bao di
condicionnan den prizon cu ta wordo stipula, si husticia nenge, e ta bay hues. Masha hopi
biaha ora cu nenga, hues ta bay di acuerdo. Si nenga, ta nenga argumenta, por ehempel un
hende cu no ta comporta su mes, un hende cu ta un risico. Un biaha a wordo pidi na e minister
pa duna un verlof y no a dune. Ta trata di un persona cu a mishi cu e mucha y cual no a
informa e famia di e mucha, no a informa e victima di e delito, e ora ta bisa cu e persona aki no
por sali y no a perde e caso aki tampoco den corte. Normalmente, si e persona cumpli cu tur
rekisito den e proceso di rehabilitacion, bo tin cu dun’e e chens pa bay su cas. Cerca ministerio
di husticia, ta controla. Tin un team special cu ta controla e cas di e detenido. E tin cu cumpli cu
cierto regla, e caminda cu e ta keda tambe ta wordo controla di antemano si e ta bon y e ta
controla tambe si e ta eynan. Si constata cu e no a cumpli cu e rekisitonan stipula pa e keda na
su cas, e no ta haya mas verlof y e tin chens tambe pa perde di haya un VI, cu ta perde un
tercera parti di su castigo.

E ta un riesgo hopi grandi cu e persona aki sali awor aki cu si e haci algo, e por sinta un tercera