Page 7 - ARUBA BANK

ORANJESTAD (AAN): Presidente di Camara di Comercio y Industria, Kawish Misier a
expresa den un conferencia di prensa cu comercio ta experenciando cu ta bin medida
tras di medida pero no tin comunicacion cu stakeholders, cual tabata algo cu e
politiconan a trece dilanti durante e periodo di campaña y eleccion.

“Varios biaha nan a bin KvK. Comerciantenan sa cu cada rato nan ta bin na bo negoshi
y ta purba convence bo, pero puntra e comerciantenan awor, den e ultimo aña y mey
cuanto biaha un minister of un parlamentario a pasa bishita. Ni un biaha pasobra ta

medida so nos a experencia “, Misier a indica.

Varios gremio y varios grupo ta sinti y nan a expresa na KvK tras di cortina cu no por
bin ningun gasto adicional mas. Nan ta sinti cu ta wordo goberna na un manera

dictatorial, mientras cu tin cu bay na un manera di maneho democratico, inclusief unda
ta respeta e gremionan social, stakeholders y doñonan di trabao pa asina crea un ‘win-
win situation’ pa drecha e economia bek y laga e florin lora, a remarca.

Aruba ta den un crisis y no por bin cu medidanan cu no mester y cu solamente ta hacie
pa populismo, a agrega.

E aspecto mas importante pa drecha economia ta pa duna e inversionistanan confianza.

“Mane nos tin confianza nos ta cuminza inverti bek (…) pero tanten no tin confianza y
no tin comunicacion e ta bira hopi moeilijk pa nos drecha e situacion”, a bisa.

Misier a laga sa cu nan porta ta habri y cu nan kier papia cu tur hende, inclui

parlamento y e ministernan pa pasa over di e diferente opcionnan cu mester wordo haci
y trece e confianza bek den comunidad pa asina sali for di e situacion aki.

https://www.diario.aw/2019/05/aruba-ta-wordo-goberna-na-un-manera-dictatorial-y-no-tin-
comunicacion-cu-stakeholders/