Page 11 - ARUBA BANK

ORANJESTAD (AAN): Randall Croes di Camara di Comercio tambe tin su punto di bista
relaciona cu e medidanan di gobierno encuanto aumento di salario minimo y cambionan
den tax, entre otro.

Croes a bisa cu e situacion prome cu e medidanan cu a haci compromisonan financiero
di cientos di miyon di florin y a “gamble”, spera cu e refineria ta habri y produci casi
200 miyon na loonbelasting, BBO, invoerrechten, winstbelasting, etc.

E 115 mil habitantenan di Aruba awor tin cu bay paga e gastonan cu a spera cu e
refineria y tur e economia rond di dje lo a paga for di nan saco, a remarca.

Segun e economista, KvK tin comprension pa esey, pero pesey nan tey pa conseha

gobierno sin cobra, cu tur bon intencion y usando e experticio door di rond nan
negoshinan, pa duna gobierno e miho advies, pa nan por recupera gran parti di e placa
for di economia, pero sin afecta esun cu ta produciendo e placa.

Si gobierno a hacie, den consulta cu e gremionan, nan lo a bisa cual ta e miho manera
y asina por cobra sin mata e negoshinan.

Parti di esey tabata e protesta di KvK ora nan a tende cu BBO lo tin cu wordo elimina

despues di 12 aña, cu a custumbra cun’e y cu ta scond’e y pone un boet di 10 mil florin
pa esun cu pone ariba e recibo.

“Si tin un negoshi chikito cu a pone BBO, y bo bisa e ta chikito, mi ta cobr’e 500 florin y

e negoshi grandi mi ta cobr’e mas. Tur hende cu comete un crimen tin cu pagu’e
mescos (…) Un negoshi chikito cu lubida di pone BBO a haya 10 mil ta bay porta cera”,
a manifesta.

Segun Croes ora di tuma decisionnan tin cu pensa ariba e consecuencianan.

Na December nan a splica cu tur compania por cumpra software ariba internet of bay
na cualkier tienda pa compra e programa di computer. E cash register cu ta cumpra na

caha ta calcula e BBO, e 6% of e 6.5%.

Aworaki, e comerciante a indica, no ta existi na mundo ningun compania cu ta bende
un software pa calcula BBO automaticamente. Negoshinan grandi cu mester a entrega