Page 14 - ARUBA BANK

Comercio, si no por hacie di un manera eficiente, e competencia ta haci cu e negoshi ta
sera. Competencia di afo ta haci cu bo negoshi tin cu será, pasobra impuesto local ta
mucho caro y hende ta stop di cumpra cerca bo.

“Sera kiermen perde bo trabao, e trahadornan y por ta perde bo cas cu bo a pone como
borg. Esey ta loke nos ta perde como comerciante”, Randall Croes a agrega.

Gobierno no ta haya nada adicional dor di pone BBO den e prijs.

Randall Croes a sigui bisa cu pesey nan t’asina motiva pa sinta cu Gobierno pa ora cu
tuma medida, proteha comercio y e trahadornan, y pa e clientenan haya un bon prijs.

“Kita BBO for di e prijs no ta produci Gobierno ningun florin extra. Pa nos e ta costa
cientos di miles di florin. E prijs a subi pa henter e pueblo pa administracion mas caro y
Gobierno por ta, ta haya menos”, Croes a indica.

Winstbelasting ta bay wordo afecta p’e gasto mas halto. Pakico kit’e?

Pesey ainda KvK ta pidi Gobierno pa considera, pasobra pa comercio ta un solucion
practico y barata pa produci e placa pa caha di Gobierno, lagando e tax riba e recibo.

Un idea a surgi ultimo momento. Gobierno ta dicidi kico ta bay cobra Gobierno riba dje.
Por ehempel, bo zuiverinkomen di Inkomstenbelasting, Gobierno ta dicidi si pone interes
di debe personal riba dje of no.

“Ban dicidi por ehempel cu e omzet ta loke bo ta bende na producto y servicio y bo ta
pone 6% bao di dje. Pero no considera e 6% omzet, pasobra e ta un impuesto. Ora no
paga Winstbelasting na final di aña, bo no mag di pone como gasto. Bo ta pon’e na final”.

“Zuiver inkomen, Gobierno ta dicidi cual ta bo zuiver inkomen. Esey ta locual tabata nos
motivacion pa Gobierno evita e kitamento di BBO”, Randall Croes a finaliza bisando