Page 13 - ARUBA BANK

Di Acuerdo Cu Randall Croes – Pa Inclui BBO Den

Factura, Comerciante Ta Hay’e Cu Gastonan Extra

 Local
- 27/05/2019

Segun Randall Croes, economista di Camara di Comercio, a declara cu nan a haci un
encuesta chikito y a tene cuenta cu e retailers di mas grandi cu tin na Aruba.

A surpasa un miyon item cu mester wordo cambia djis pa cambia e label, stickers, y pega
label y stickers nobo riba dje. Anto e negoshi mester a cumpra mashin di print, pasobra
nan no ta bin cla. Normalmente e producto ta drenta na caha y na caha ta pone e label y
pone den shelf.

Awor tin cu cambia tur cos cu tin den e negoshi, locual ta costoso. Ademas di paga
overtime y tur esaki ta bay den prijs, Randall Croes a señala.

Tur e gastonan extra ey e negoshinan tin cu recuper’e, pasobra sino e negoshi ta sera.

“Gobierno, ora e tuma un medida, cu ta cost’e hopi of un proyecto cu sali demasiado
caro, par di miyones, bo tin un deficit bo ta fia placa y tur hende ta fia Gobierno. Of bo ta
tuma medida. Hopi simpel”, a remarca.